یوٹیلیٹی اسٹورز کے تمام کنٹریکٹ ملازمین کی تنخواہوں میں 10 فیصد اضافے کا اعلان کردیا گیا ہے۔

تفصیلات کے مطابق یوٹیلیٹی اسٹورز کے تمام کنٹریکٹ ملازمین کی تنخواہوں میں 10 فیصد اضافے کا نوٹیفکیشن جاری کردیا گیا ہے۔

نوٹیفیکیشن کے مطابق تنخواہوں میں اضافہ ایڈہاک ریلیف الاؤنس 2021 کی مد میں کیا گیا، اضافے کا اطلاق یکم جولائی 2021 سے ہوگا، ایڈہاک ریلیف پر انکم ٹیکس لاگو ہوگا۔

نوٹفیکیشن میں کہا گیا کہ بیرون ملک تعیناتی کے دوران ایڈہاک ریلیف کا اطلاق نہیں ہوگا، یوٹیلیٹی اسٹورز کے بورڈ نے تنخواہوں میں اضافے کی منظوری دی، یوٹیلیٹی اسٹورز کے تمام مستقل ملازمین کی تنخواہوں میں اضافہ کیا جاچکا ہے۔