ایڈمنسٹریٹر کراچی مرتضیٰ وہاب نے کہا ہے کہ کےایم سی کےپاس33چارجڈپارکنگ ہیں۔

تفصیلات کے مطابق ایڈمنسٹریٹر کراچی مرتضیٰ وہاب نے پریس کانفرنس کرتے ہوئے کہا کہ گزشتہ سال ایک چارجڈپارکنگ سےسالانہ3کروڑروپےحاصل کیے ، موجودہ مالی سال کے3ماہ میں4کروڑ68لاکھ پارکنگ سےحاصل کیے ہیں۔

انہوں نے کہا کہ کےایم سی کےپاس243ہٹس لیزپرہیں ، کےایم سی کو سالانہ  40 لاکھ 16 ہزار روپے ہٹس سے ملتے ہیں ، کےایم سی کے ایک ہٹ کا ماہانہ کرایہ1400 روپے ہے ، 1400 روپے کرائےپراورنگی ٹاؤن میں کوئی کیبن ملےگا؟

ایڈمنسٹریٹر کراچی مرتضیٰ وہاب نے کہا کہ کراچی میں کےایم سی کے11پیٹرول پمپس ہیں ، کےایم سی کےپیٹرول پمپس آئیڈیل لوکیشن پرہیں ، کےایم سی پیٹرول پمپس سےسالانہ70لاکھ کرایہ وصول کرتی ہے ، کےایم سی کرائےبڑھانےکی کوشش کرتی ہےتولوگ عدالت چلےجاتےہیں ، کےایم سی کواپنےپاؤں پرکھڑےہونےدیاجائے۔

مرتضیٰ وہاب نے کہا کہ کےایم سی کی47اسکیمزمیں ایک لاکھ16ہزار260پلاٹس ہیں ،  کےایم سی کےپاس29.7ملین گززمین ہے ، 13.6 ملین گززمین لیز،15.5ملین گززمین لیزنہیں ہے ، کےایم سی کی دکانوں کاکرایہ بہت کم ہے،زیادتی ہم نےنہیں کی ، کےایم سی کہتاہےانکےپاس تنخواہ دینےکےپیسےنہیں۔

انہوں نے کہا کہ دکانوں کےذریعےکےایم سی کی انکم میں3گنااضافہ ہوا ، کےایم سی کو9ہزارسےزائددکانوں سے15کروڑروپےملتاہے ، بدقسمتی سےہمیشہ مسائل کی بات کی گئی وسائل کی نہیں ، کےایم سی کی آمدن میں اضافےکیلئےاقدامات کیے ، کےایم سی کی مارکیٹیں،دکانوں کوڈیجیٹلائزاورپبلک کرنےکاکہا ہے۔

ایڈمنسٹریٹر کراچی مرتضیٰ وہاب نے کہا کہ کراچی میں کےایم سی کے ماتحت 61 مارکیٹیں ہیں ، کےایم سی کی8مارکیٹوں پرسپریم کورٹ کےاحکامات ہیں ، 53 مارکیٹوں میں9ہزارسےزائددکانیں موجودہیں۔

اس سے قبل ایڈمنسٹریٹر کراچی مرتضیٰ وہاب نے کہا تھا کہ فریئرہال ہویا کوئی اورپارک خوبصورتی کی مثال ہوگا ، انفرااسٹرکچرپرتمام تراداروں کومتحرک کیا ہے ، سب اپنا اپنا کام کررہے ہیں۔

انہوں نے کہا تھا کہ تبدیلی نظرآرہی ہے ، امید ہے کہ آنے والا کل کراچی کی رونقوں میں اضافہ کریگا ، وہ پارک جوکل تک بندتھااسے کے ایم سی نے ٹھیک کیا ، برنس گارڈن بھی بہترہوگا ، کے ایم سی کے لیے شہریوں کے پاس اچھاتاثرنہیں تھا ، میرے پاس بھی رونے کابہانہ موجود تھا ، میں نے کوشش کی کہ ادارے کوپیروں پرکھڑاکریں۔

ایڈمنسٹریٹر کراچی مرتضیٰ وہاب نے کہا تھا کہ میونسپل ٹیکس مختلف اقسام کومرج کرکے لگایا گیا ، کے ایم سی 78فیصد ٹیکس ٹارگیٹ حاصل نہیں کرپاتی تھی ، کے ای ہرگھرپربجلی کابل دیتی ہےہم نے سوچاکہ ٹیکس کی کلیکشن کے ایم سی کیوں نہ کرے ، لوگوں کوروزانہ کی بنیاد پربتاؤں گا کہ اتناٹیکس آپ نے دیا۔

مرتضیٰ وہاب نے کہا تھا کہ کے ای کے شکرگزارہیں انہوں نے حامی بھری کہ یہ منظوری کے لیے نیپراجائے گا ، کراچی کے لیے آٹھ ارب سے زائد پیسے رکھے ہیں ، دوسوبسزآرہی ہیں ، اورنج لائن اورریڈ لائن بھی بننے جارہی ہیں ، ہم تلخی کی طرف کیوں جائیں ، تاجرمجھے بھی بلارہے تھے ، حکومت زمینی حقائق کودیکھ کر فیصلا کرتی ہے۔