محکمہ جنگلات کا پہلی مرتبہ ڈرون سیڈنگ کا تجربہ، جبکہ ڈرون سیڈنگ لال سوہانرا کے علاقہ میں کی گئی۔

تفصیلات کے مطابق محکمہ جنگلات نے پہلی مرتبہ ڈرون سیڈنگ کا تجربہ کیا ، جوکہ ڈرون سیڈنگ لال سوہانرا کے علاقہ میں کیا گیا جبکہ لال سوہانرا میں ڈرون کے ذریعے 8 ایکڑ اراضی پر کیکڑ، بیڑ، جنڈ اور فراش کی تجرباتی پلانٹنگ بھی کی گئی۔

سیکرٹری جنگلات شاہد زمان کا کہنا ہے کہ تجربے کے نتائج کو مدنظر رکھتے ہوئے دیگر اضلاع میں بھی اسے آزمایا جائے گا جبکہ مستقبل میں وسیع شجرکاری کیلئے یہی طریقہ اپنانے پر غور کیا جا رہا ہے۔

سیکرٹری جنگلات شاہد زمان کا کہنا تھا کہ ڈرون سیڈنگ کم وسائل اور محدود افرادی قوت کی صورت میں زیادہ موثر نتائج کا حامل تجربہ ثابت ہوگا جبکہ اس اقدام سے مقامی بیجوں کی پلانٹنگ کو فروغ  بھی ملے گا۔

سیکرٹری جنگلات شاہد زمان کا کہنا تھا کہ ڈرون سیڈنگ کم وقت میں زیادہ سے زیادہ شجرکاری میں معاونت دے گی۔

ان کا کہنا تھا کہ محکمہ جنگلات کی تاریخ میں اس سے قبل ڈرون سیڈنگ پہلے کبھی نہیں کی گئی جبکہ پہلی مرتبہ سیڈنگ کیلئے ڈرون ٹیکنالوجی کا استعمال کیا جا رہا ہے۔

شاہد زمان کا کہنا تھا کہ ڈرون سیڈنگ اپنی نوعیت کا منفرد اور مختلف تجربہ ثابت ہوگا ۔

ڈرون سیڈنگ سے شجرکاری ٹارگٹ قبل از وقت حاصل کرنے میں معاونت ملے گی جبکہ سیڈنگ کیلئے ڈرون ٹیکنالوجی کا استعمال گرین پنجاب مہم کو تیز بھی کرے گا۔