گزشتہ روز بھارت کے مقبول ترین رئیلیٹی شو بگ باس کے سیزن 13 کے فاتح سدھارتھ  شکلا 40 برس کی عمر میں اچانک دل کا دورہ پڑنے کے باعث چل بسے۔

بھارتی میڈیا رپورٹس کے مطابق سدھارتھ نے سونے سے پہلے کچھ دوائیاں لیں جس کے بعد وہ بیدار نہ ہوئے۔

خاندانی ذرائع نے اداکار کی موت کی وجہ ہارٹ اٹیک بتائی ہے۔

سدھارتھ شکلا کی موت نے ان کے سینکڑوں فینز کو حیرت اور تشویش میں مبتلا کر دیا ہے۔

سدھارتھ شکلا کی ابتدائی پوسٹ مارٹم رپورٹ

پوسٹ مارٹم میں کوئی اندرونی یا بیرونی چوٹ کے نشان نہیں ملے جبکہ اداکار کے اہلِ خانہ نے بھی ابھی تک کسی قسم کے شک کا اظہار نہیں کیا۔

اداکار سدھارتھ شکلا کے پوسٹ مارٹم کو ویڈیو بھی ریکارڈ کیا گیا، پوسٹ مارٹم رپورٹ میں ڈاکٹرز کی جانب سے اب تک کوئی حتمی رائے نہیں دی گئی۔

بھارتی میڈیا رپورٹس میں اسپتال کے ڈاکٹروں کا حوالہ دیتے ہوئے بتایا جارہا ہے کہ سدھارتھ شکلا کی موت طبعی تھی، ابتدائی رپورٹس میں موت کی وجہ ہارٹ اٹیک بتائی گئی تھی۔

واضح رہےکہ بھارتی اداکار سدھارتھ شکلا کی والدہ نے اپنے بیٹے کی موت پر شدید دکھ کا اظہار کرتے ہوئے کہا ہے کہ ان کے بیٹے کو اتنی جلدی دنیا سے نہیں جانا چاہیے تھا۔