اقراء ڈرائیونگ اسکول کے زیرِ اہتمام ٹریفک قوانین سے متعلق آگاہی اور حادثات کی شرح میں کمی کے موضوع پر روڈ سیفٹی سیمنار کا انعقاد کیا گیا ہے۔

تفصیلات کے مطابق سیمنار میں ڈرائیونگ اسکول سے ٹریننگ لینے والے طلباء نے بڑی تعداد میں شرکت کی، حادثات کی اہم وجہ، ٹریفک قوانین سے عدم آگاہی، قواعد و ضوابط  کی خلاف ورزیاں اور تعلیم کی کمی ہے۔

 اقراء ڈرائیونگ اسکول کے چیف ایگزیکٹو وحید احمد کا کہنا تھا کہ ٹریفک قوانین اور قواعد و ضوابط کی پابندی کرنے سے 50 فیصد سے زائد حادثات میں کمی ممکن ہو سکتی ہے، اسی سوچ پر عمل پیرا ہوکر اقرا ڈرائیونگ انسٹیٹوٹ کے زیرِ اہتمام سیمنار کا انعقاد کیا گیا ہے۔

سیمنار میں موجود طلباء کا کہنا تھا اس طرح کے سیشنز سے بہت کچھ سیکھنے کو ملتا ہے ٹریفک سائنز، قوانین پریکٹکل ٹریننگ کے ساتھ ساتھ لیکچرز بھی بہت ضروری ہیں جو نئے ڈرائیورز کیلئے فائدہ مند ثابت ہوتے ہیں۔

ذرائع کے مطابق روڈ سیفٹی سیمنار میں سوزوکی ڈرائیورز کو بھی خصوصی طور پر بلایا گیا تاکہ آگاہی کے ذریعے حادثات میں کمی لائی جا سکے۔

سیمنار میں راولپنڈی کنٹونمنٹ کے 9 منتخب کونسلرز سمیت کامیڈین مسعود خواجہ نے بھی شرکت کی۔