گلگت بلتستان میں مزید 9 افراد میں کورونا وائرس کی تصدیق ہوگئی ہے۔

تفصیلات کے مطابق گلگت بلتستان میں کورونا وائرس سے متاثرہ مریضوں کی مجموعی تعداد 10286 ہوگئی ہے، کورونا کے ایکٹیو کیسز کی تعداد 11 سیاح مریضوں سمیت 196 ہے۔

محکمہ صحت کے مطابق کورونا وائرس سے آج دو سیاحوں سمیت 5 مریض صحتیاب ہوئے ہیں، کورونا وائرس کو 285 سیاحوں، محکمہ تعلیم 999 سمیت مجموعی طور پر 9906 مریض شکست دینے میں کامیاب ہوئے ہیں۔

محکمہ صحت کا کہنا ہے کہ گلگت میں ایک اور مریض انتقال کرگیا جس کے بعد کورونا وائرس سے گلگت بلتستان میں اب تک 184 مریض زندگی کی بازی ہار چکے ہیں، کورونا کیسز کی شرح گلگت بلتستان میں 2.20 فیصد ہے۔

محکمہ صحت کے مطابق گلگت بلتستان میں کورونا وائرس سے صحتیابی کی شرح 96.31 جبکہ اموات کی شرح 1.79 فیصد ہے۔