جامشورو میں موٹروے لونی کوٹ کے مقام پر پر مسافر کوچ اور ٹرک کے درمیان خوفناک حادثہ پیش آیا ہے۔

تفصیلات کے مطابق حادثے کے نتیجے میں 5 افراد جاں بحق ہوگئے ہیں جبکہ 5 افراد زخمی ہوئے ہیں، مسافر کوچ کراچی سے حیدرآباد جارہی تھی۔

ذرائع کا کہنا ہے کہ حادثے میں جاں بحق ہونے والوں میں علی بلاول ولد حسن عباس، حسن عباس ولد اشفاق حسین، سہیل عباس ولد عبدالمجید، سید شبی عباس ولد جعفر عباس اور دلشاد ولد گل محمد شامل ہیں۔

واضح رہے کہ جاں بحق ہونے والے  4افراد کا تعلق ایک ہی خاندان سے ہے جس میں باپ بیٹا بھی شامل ہیں۔

خیال رہے کہ زخمیوں کو سول ہسپتال حیدرآباد اور کوٹری منتقل کردیا گیا ہے۔