سابق وزیر داخلہ سینیٹر رحمان ملک نے کہا ہے کہ مرحوم واجد شمس الحسن ہمیشہ بھٹو خاندان اور پیپلز پارٹی کے وفادار رہے۔

تفصیلات کے مطابق سابق وزیر داخلہ سینیٹر رحمان ملک نے واجد شمس الحسن کے انتقال پر گہرے دکھ اور افسوس کا اظہار کرتے ہوئے کہا کہ مرحوم واجد شمس الحسن کے اہلخانہ کے دکھ میں برابر کے شریک ہیں۔

سابق وزیر داخلہ سینیٹر رحمان ملک کا کہنا تھا کہ اللہ تعالی واجد شمس الحسن کی مغفرت فرمائے اور اہلخانہ کو صدمہ برداشت کرنے کی ہمت عطا فرمائے۔

رحمان ملک نے کہا کہ مرحوم واجد شمس الحسن ہمیشہ بھٹو خاندان اور پیپلز پارٹی کے وفادار رہے، ملک اور پیپلزپارٹی کے لئے واجد شمس الحسن کی خدمات کو ہمیشہ یاد رکھا جائے گا۔