پٹرول اور اشیاء خوردونوش کی قیمتوں میں مسلسل اضافے کے خلاف پاکپتن میں پیپلز پارٹی نے احتجاجی ریلی نکالی ہے۔

تفصیلات کے مطابق پٹرولیم مصنوعات، بجلی اور اشیاء خوردونوش کی قیمتوں میں اضافے کے خلاف پاکپتن میں پاکستان پیپلز پارٹی کے کارکنان نے مچھلی چوک سے نگینہ چوک تک موٹر سائیکلوں پر احتجاجی ریلی نکالی، احتجاجی ریلی میں مظاہرین نے ہاتھوں میں روٹیاں اٹھا کر حکومت کے خلاف نعرے بازی کی۔

ریلی میں کارکنان نے ہاتھوں میں روٹیاں اور بجلی کے بل اٹھا کر حکومت کے خلاف شدید نعرے بازی کی، مظاہرین نے کہا کہ موجودہ حکومت مہنگائی پر کنٹرول کرنے میں بری طرح ناکام ہو چکی ہے، اشیاء کی قیمتوں میں مسلسل اضافے سے محنت کش سے روٹی کا نوالہ تک چھین لیا گیا۔

مظاہرین کا کہنا تھا کہ روز گاری میں مسلسل اضافہ ہوتا جا رہا ہے۔

مظاہرین نے حکومت سے پٹرول، بجلی اور اشیاء خوردونوش کی قیمتوں میں حالیہ اضافہ واپس لینے کا مطالبہ کردیا ہے۔