ایف بی آر نے کاروباری افراد کو نوٹسز بھیجنے کا فیصلہ کرلیا۔

تفصیلات کے مطابق ایف بی آر نوٹس جاری کرنے کا سلسلہ نومبر میں شروع کرے گا، ان افراد کو سیلز ٹیکس کٹوتی نہ کرنے پر نوٹس جاری کیا جائے گا جبکہ سیلز ٹیکس کی کٹوتی شروع نہ کرنے پر وارننگ دی جائے گی

ذرائع ایف بی آر کا کہنا تھا کہ عملدرآمد نہ ہونے کی صورت میں مانیٹرنگ ٹیمیں دورہ کریں گی، جبکہ مانیٹرنگ کی منظوری حکومت کی جانب سے دی جا چکی ہے۔

ذرائع ایف بی آر کا کہنا تھا کہ کارخانوں، ہول سیلرز اور ڈیلروں کی مانیٹرنگ کی جائے گی، جبکہ رسید کے بغیر فروخت پر نوٹس کے ذریعے جواب طلب کیا جائے گا۔

ذرائع ایف بی آر کا کہنا تھا کہ ان لینڈ ریونیو انفورسمنٹ نیٹ ورک کے نام سے مانیٹرنگ ٹیکس فورس نومبر میں تشکیل دی جائے گی، جبکہ خصوصی سکواڈ ملک کے تمام شہروں کے صنعتی علاقوں کی مانیٹرنگ کریں گے،تمام بڑے شہروں کے پوش علاقوں میں ان ٹیموں کی تعیناتی ہوگی۔

ذرائع ایف بی آر کا کہنا تھا کہ 24 گھنٹے شفٹوں میں مانیٹرنگ کی جائے گی، جبکہ  سکواڈ فاٹا سے ٹیرف ایریا میں آنے والے مال کی بھی مانیٹرنگ ٹریک اینڈ ٹریس کے تحت کریں گے۔

ذرائع ایف بی آر کا مزید کہنا تھا کہ مانیٹرنگ فورس  کے چھاپوں میں پکڑی جانے والی ٹیکس چوری کی رپورٹس کمشنر ان لینڈ ریونیو سروس کو پیش کی جائیں گی۔