پاکستان شوبز انڈسٹری کی معروف اور ہردلعزیز اداکارہ سجل علی نے اداکار عثمان مختار کو شادی کی مبارکباد دی ہے۔

اداکارہ نے اپنی انسٹا اسٹوری پر اداکار عثمان مختار اور اہلیہ زنیرہ کی مایوں کی تقریب کی ویڈیو شیئر کرتے ہوئے انہیں شادی کی مبارکباد دی ہے۔

سجل نے اپنی انسٹا اسٹوری میں لکھا کہ ماشاءاللّٰہ، بہت خوبصورت جوڑی ہے۔

انہوں نے اداکار عثمان مختار اور اہلیہ زنیرہ کے لئے اپنی نیک خواہشات کا اظہار کرتے ہوئے لکھا کہ دونوں کو بہت سی خوشیاں اور محبت نصیب ہو۔

واضح رہے کہ عثمان مختار نے اس سال کے آغاز میں زنیرہ کے ساتھ اپنے نکاح کا اعلان کیا تھا جبکہ حال ہی میں اس جوڑے نے خاندان اور دوستوں کی موجودگی میں اپنی شادی کی تقریبات کا انعقاد کیا۔