ڈی سی لاہور عمر شیر چٹھہ نے کہا ہے کہ ضلعی انتظامیہ لاہور عشرہ رحمتہ للعالمین کو بھرپور عقیدت و احترام سے منا رہی ہے۔

تفصیلات کے مطابق ڈی سی لاہور عمر شیر چٹھہ نے اپنے جاری کردہ ایک بیان میں کہا کہ ضلعی انتظامیہ شان رحمتہ للعالمین صلی اللہ علیہ والہ وسلم بھرپور انداز میں منا رہی ہے، اسکولوں و کالجز میں حسن قرآت اور پیارے آقا حضرت محمد صلی اللہ علیہ والہ وسلم کی شایان شان نعت خوانی اور تقریری مقابلہ جات ہو رہے ہیں۔

ڈی سی لاہور کا کہنا تھا کہ سینٹرل ماڈل اسکول ریٹی گن میں شان رحمتہ للعالمین صلی اللہ علیہ والہ وسلم کی مناسبت سے ایک تقریب کا اہتمام کیا گیا ہے، جس میں طلباء حسن قرآت و نعت خوانی اور تقریری مقابلہ جات میں حصہ لے رہے ہیں، آج تحصیل کی سطح پر یہ مقابلہ جات ہو رہے ہیں اور کل ضلعی سطح پر مقابلہ جات ہوں گے۔

ڈی سی لاہور عمر شیر چٹھہ نے کہا کہ تحصیل کی سطح پر حسن قرآت، نعت خوانی اور تقریر میں آج کامیاب ہونے والے طلباء و طالبات کل ضلعی سطح پر تقریب میں حصہ لیں گے، ضلعی انتظامیہ لاہور عشرہ رحمتہ للعالمین کو بھرپور عقیدت و احترام سے منا رہی ہے۔