چمن میں فٹبال میچ کے دوران کھلاڑی دل کا دورہ پڑنے سے انتقال کرگئے ہیں۔

تفصیلات کے مطابق چمن میں آل بلوچستان ڈپٹی کمشنر کپ فٹبال ٹورنامنٹ میں میچ کے دوران مقامی کلب کے کھلاڑی دل کا دورہ پڑنے سے انتقال کر گئے ہیں۔

چمن میں صوبائی سطح کے فٹبال ٹورنامنٹ میں رازق فٹبال کلب چمن اور ملت کلب کے درمیان میچ جاری تھا ، رازق کلب کے 30 سالہ کھلاڑی محمد اسلام دوران میچ اچانک  گرگئے جب انہیں اسپتال منتقل کیا جارہا تھا ، اسی  دوران وہ انتقال کر گئے تھے۔

ڈاکٹرز کا کہنا ہے کہ محمد اسلام کی موت دل کے دورے کے باعث ہوئی ہے۔

واضح رہے کہ آرگنائزنگ کمیٹی کے مطابق ایونٹ میں 2 دن کے میچز ملتوی کردیے گئے ہیں، جمعے کو شیڈول کے مطابق مقابلے ہوں گے۔