صوبائی معاون خصوصی وقار مہدی نے کہا ہے کہ پیپلز پارٹی عوام کی خدمت پر یقین رکھتی ہے۔

تفصیلات کے مطابق صوبائی معاون خصوصی وقار مہدی نے پریس کلب حیدرآباد میں میڈیا سے گفتگو کرتے ہوئے کہا کہ 13 سالوں میں پیپلز پارٹی نے سندھ کی بہت خدمت کی ہے اور 13 سالوں میں سندھ میں بہت ترقیاتی کام ہوئے اور جاری ہیں، ہم نے 13 سالوں میں سندھ میں اتنے کام کیے جتنے ایم کیو ایم نے 30 سالوں میں نہیں کیے، پیپلز پارٹی عوام کی خدمت پر یقین رکھتی ہے۔

وقار مہدی کا کہنا تھا کہ 3 سال میں وزیر اعظم عمران خان کی حکومت میں مہنگائی آسمان سے باتیں کررہی ہیں، پیٹرول کی قیمت بڑھنے کا اثر ہر چیز پر پڑتا ہے، ملک کے حالات اتنے خراب ہیں کہ ملک میں سول وار شروع ہونے کا خدشہ ہے۔

صوبائی معاون خصوصی وقار مہدی نے مزید کہا کہ آئندہ ہونے والے الیکشن منصفانہ ہوں گے، کراچی میں ہم بھرپور کامیابی حاصل کریں گے، سانحہ 18 اکتوبر کے حولے سے 17 اکتوبر کو کراچی میں پاکستان کی تاریخ کا سب سے بڑا جلسہ عام کریں گے۔