خیبرپختونخوا میں فوڈ سیفٹی اتھارٹی نے عوامی شکایات پر مردان میں کارروائی کی۔

تفصیلات کے مطابق فوڈ سیفٹی اتھارٹی کا کہنا تھا کہ مردان میں جعلی مصالحہ جات تیار کرنے والی فیکٹری پر چھاپا مار کر جعل ساز گرفتار کرلیے گئے۔

فوڈ سیفٹی اتھارٹی کا کہنا تھا کہ کارروائی میں جعلی مصالحہ جات کا یونٹ سیل، بڑی مقدار میں مس برانڈ میٹریل برآمد لیے گئے۔

فوڈ سیفٹی اتھارٹی کا کہنا تھا کہ کارروائی کے دوران 320 کلو سے زائد مضر صحت مصالحہ جات برآمد کرکے ضبط کرلئے گئے۔

فوڈ سیفٹی اتھارٹی کا مزید کہنا تھا کہ یونٹ میں مختلف کمپنیوں کے نام پر مصالحہ جات کی تیاری کی جارہی تھی۔