سندھ کے مختلف شہروں میں 15اکتوبر کو موٹرسائیکل کی ڈبل سواری پر پابندی عائد کردی گئی ہے۔

تفصیلات کے مطابق سندھ حکومت نے کل 15 اکتوبر کو صوبے کے 7 بڑے شہروں میں ڈبل سواری پر پابندی عائد کرنے کا فیصلہ کرلیا ہے۔ محکمہ داخلہ سندھ نے ڈبل سواری پر پابندی کا نوٹیفکیشن جاری کردیاہے۔

محکمہ داخلہ سندھ کی جانب سے جاری نوٹیفکیشن کےمطابق پابندی کراچی، حیدرآباد، سکھر، میرپور خاص، لاڑکانہ، خیرپور اور شہید بینظیر آباد میں لگائی گئی ہے۔

نوٹیفکیشن میں کہا گیا ہے کہ 15 اکتوبر کی ڈبل سواری پر پابندی کا اطلاق آج رات 12 بجے سے 24 گھنٹے کے لیے ہوگا۔

محکمہ داخلہ سندھ کی جانب سے جاری نوٹیفکیشن میں مزید  کہا گیا ہے کہ کل چپ تعزیوں کے جلوس نکالے جائیں گے، سیکورٹی خدشات کے پیش نظر ڈبل سواری پر پابندی عائد کی گئی ہے۔