پاکستان پیپلز پارٹی کے چیئرمین بلاول بھٹو زرداری اپنے حلقہ انتخاب لاڑکانہ پہنچ گئے ہیں۔

تفصیلات کے مطابق چیئرمین بلاول بھٹو زرداری ایک ہفتہ تک نوڈیرو ہاؤس میں قیام کریں گے، رکن سندھ اسمبلی فریال تالپور، عذرا پیچوہو، سردار شاہ، ضیا عباس شاہ سمیت دیگر وزراء بھی لاڑکانہ میں موجود ہیں۔

 ذرائع کا کہنا ہے کہ صوبائی کابینہ کے ارکان چیئرمین بلاول بھٹو کے سامنے اپنے اپنے محکموں کی کارکردگی رپورٹ پیش کریں گے، چیئرمین پیپلز پارٹی مختلف اضلاع کے پارٹی رہنماؤں اور کارکنان سے ملاقات کر کے شکایات بھی سنیں گے، کچھ اہم سیاسی شخصیات کی بلاول بھٹو زرداری سے ملاقات کے بعد پیپلز پارٹی میں شمولیت کے بھی امکانات ہیں۔