وفاقی وزیر فواد چوہدری کا کہنا ہےکہ ملک میں سڑکیں بند کر کے احتجاج کرنے کا سلسلہ بند ہونا چاہئے۔

تفصیلات کے مطابق وفاقی وزیر اطلاعات ونشریات فواد چوہدری نے الیکشن کمیشن کے باہر میڈیا سے گفتگو کرتے ہوئے کہاکہ الیکشن کمیشن آیا تھا، اس پر کارروائی آگے چلے گی، انشاءاللہ اس کے مطابق چلیں گے۔

انہوں نے کہاکہ کالعدم تحریک لبیک کا جی ٹی روڈ پر چلنے والا معاملہ فوری ختم کرنا چاہیے، مسائل میں اضافہ نہ کریں ، ہمارے نبی ﷺ تو کہتے ہیں راستے سے کیکر بھی ہٹا دینا چاہیے۔

فواد چوہدری نے کہاکہ کالعدم ٹی ایل پی پر آج کابینہ میں تفصیلی بات ہو گی ، روز روز کا تماشا ختم ہونا چاہیے، سڑکیں بند کرکے احتجاج کرنے کا سلسلہ بند ہونا چاہئے، عام آدمی کی مشکلات میں اضافہ نہ کیا جائے۔

انہوں نے مزید کہاکہ طویل عرصے بعد قوم کو خوشیاں ملی ہیں،  ٹی 20 ورلڈ کپ میں پاکستان نے بھارت کو دس وکٹوں سے شکست دی، سری لنکا کی ٹیم پر حملے کے بعد پاکستان میں کرکٹ بہت مشکل حالات میں تھی، ہندوستان کی کرکٹ میں اربوں ڈالر انوسٹ ہوئے، ہم نے انہیں جس طرح شکست دی پوری عمر یاد رہے گی۔

وفاقی وزیر اطلاعات نے کہاکہ نیوزی لینڈ کی بھی سیکیورٹی کلیئر کر دی ہے، امید ہے نیوزی لینڈ کرکٹ ٹیم کو سکون مل گیا ہوگا۔

واضح رہےکہ اس سے قبل وفاقی وزیر اطلاعات ونشریات فواد چوہدری نے سماجی رابطے کی ویب سائٹ ٹوئٹر پر جاری اپنی ٹوئٹ میں  سعودی امداد کو خوش آئند قرار دیتے ہوئے کہاکہ سعودی سہولت معیشت کو سہارا دینے میں مدد فراہم کرے گی، تین ارب ڈالر اسٹیٹ بینک میں جلد جمع ہوجائیں گے۔ تیل کے لیے پاکستان کو فوری ادائیگی نہیں کرنا ہو گی بلکہ یہ موخر ادائیگی کی سہولت کے تحت دستیاب ہو گا۔

Breaking news
Saudi Arabia announcement support Pakistan with 3 billion US dollar as deposit in Pakistan central bank
and also financing refined petroleum prodcut with 1. 2 billion us dollars during the year https://www.bolnews.com/urdu/latest/2021/10/550166/amp/ https://www.bolnews.com/urdu/latest/2021/10/550166/amp/

Advertisement

— Ch Fawad Hussain (@fawadchaudhry) October 26, 2021

وزیراعظم عمران خان نے بھی پاکستان کی مدد کرنے پر سعودی ولی عہد محمد بن سلمان کا شکریہ ادا کیاہے۔

 وزیراعظم عمران خان نے سماجی رابطے کی ویب سائٹ ٹوئٹر پر جاری اپنے پیغام میں لکھاکہ سعودی عرب نے ہمیشہ مشکل وقت میں پاکستان کی مدد کی۔

وزیراعظم نے اپنی ٹوئٹ میں مزید لکھا کہ میں شہزادہ محمد بن سلمان کا شکریہ ادا کرتاہوں انہوں نے پاکستان کے مرکزی بینک میں 3 بلین ڈالرڈپازٹ اور 1.2 بلین ڈالر کے ساتھ ریفائنڈ پیٹرولیم مصنوعات کی مالی معاونت کی ۔

Advertisement

I want to thank HRH Prince Mohammad bin Salman for supporting Pak with $3 bn as deposit in Pak’s central bank & financing refined petroleum product with $1.2 bn. KSA has always been there for Pak in our difficult times incl now when world confronts rising commodity prices.

— Imran Khan (@ImranKhanPTI) October 27, 2021

یاد رہےکہ وزیراعظم عمران خان تین روزہ سعودی عرب کا کامیاب دورہ مکمل کرکے گزشتہ روز وطن واپس پہنچے ہیں۔

 ریاض میں سعودی نائب وزیر خارجہ عادل الجبیر نے وزیراعظم عمران خان کو الوداع کیا۔

وزیراعظم پاکستان سعودی ولی عہد شہزادہ محمد بن سلمان کی دعوت پر 3 روزہ سرکاری دورے پر سعودی عرب گئے تھے۔

ذرائع کے مطابق اس دورے کے دوران وزیراعظم عمران خان کے ہمراہ اعلیٰ سطح کا وفد موجود تھا ،جس میں وزیر خزانہ اور وزیر توانائی بھی شامل تھے۔

دوسری جانب وزیراعظم عمران خان اور سعودی ولی عہد شہزادہ محمد بن سلمان کی ملاقات کا اعلامیہ بھی جاری کردیا گیا ہے۔

ملاقات کے اعلامیے کے مطابق ملاقات میں دونوں رہنماؤں نے تمام شعبوں میں دوطرفہ تعاون کو مزید مضبوط بنانے پر اتفاق کیا جبکہ دونوں رہنماؤں نے چیلنجوں سے نمٹنے کے لیے کوششوں کو قریب سے مربوط کرنے پر اتفاق کیا۔