پشاور میں ایف آئی اے نے باچا خان انٹرنیشنل ائیرپورٹ پر کارروائی کی ہے۔

تفصیلات کے مطابق ایف آئی اے کے ڈپٹی ڈائریکٹر ریاض خان نے کہا کہ کارروائی کے دوران مسافر سے 1 لاکھ غیر ملکی کرنسی برآمد کر کے ملزم  کو گرفتار کرلیا ہے، ملزم غیر ملکی کرنسی یو اے ای اسمگل کر رہا تھا۔

ڈپٹی ڈائریکٹر ریاض خان کا کہنا تھا کہ ملزم نے تفتیش کے دوران دیگر ساتھیوں کے نام بھی بتا دیئے جس کے بعد ایف آئی اے نے ملزم کے دیگر ساتھیوں کو بھی گرفتار کر لیا ہے۔

ایف آئی اے کے ڈپٹی ڈائریکٹر ریاض خان نے کہا کہ دیگر ملزمان کے قبضے سے بھی ایک لاکھ 63 ہزار 500 سعودی ریال برآمد کیں، ۔پچھلے تین دنوں کے دوران 13 کرنسی اسمگلروں کو گرفتار کیا جا چکا ہے، جن کے قبضے سے 3 لاکھ 50 ہزار سعودی ریال برآمد کیں جا چکے ہیں، تمام ملزمان کے خلاف مقدمہ درج کر کے مزید تفتیش شروع کردی گئی ہے۔