وزیر داخلہ شیخ رشید نے کہا ہے کہ مریم نواز اداروں کےخلاف خونی بیانات دے رہی ہیں۔

تفصیلات کے مطابق وزیر داخلہ شیخ رشید نے پریس کانفرنس کرتے ہوئے کہا ہے کہ پینڈورا پیپرز میں جن کے نام ہیں ان کے خلاف کارروائی ہوگی۔

انہوں نے کہا کہ نوازشریف کا ٹائم گزر گیا ، شہبازشریف جوشروع کرتےہیں اس پرمریم جھاڑوپھیردیتی ہیں ، جرنیل آتے جاتے ہیں ، ترقی اورتبادلے معمول کا کام ہے ، کورکمانڈرکیلئےزندگی صرف کرنی پڑتی ہے،ایک دن میں نہیں بنتا ، فوج جمہوریت کےساتھ کھڑی ہے۔

وزیر داخلہ شیخ رشید نے کہا کہ افغان سرزمین ہمارے خلاف استعمال ہونہ ہماری انکےخلاف استعمال ہو ، مرے ہوئے لوگوں کی ویکسینیشن کی خبریں آرہی ہیں ، فوج نے تحمل کا مظاہرہ کیا ، فوج کے خلاف نازیبا الفاظ استعمال کیے جارہےہیں ، مریم نواز اداروں کےخلاف خونی بیانات دے رہی ہیں۔

شیخ رشید نے کہا کہ کل ان کی سیاست ختم ہوئی تو مریم نوازذمہ دار ہوں گی ، نیوزی لینڈ کے مسئلے میں بھارت ملوث تھا ، نیوزی لینڈ کوجتنی سیکورٹی فراہم کی اتنی انکی فوج نہیں ، جلد یا دیر انکو مسائل سے گزرنا پڑےگا۔

انہوں نے کہا کہ ن لیگ آج جہاں ہے اس کی ذمہ دار مریم نوازہیں ، افغانستان میں عدم استحکام پاکستان کیلئے مسائل پیداکرسکتا ہے ، افغانستان میں امن ہوگا تو خطے اور پاکستان میں امن ہوگا ، دنیا افغانستان کےساتھ ہمیں بھی دیکھ رہی ہے۔

وزیر داخلہ شیخ رشید نے کہا ہے کہ این سی او سی کے کام کو دنیا میں سراہا جارہا ہے ، ویکسینیشن کو سازش کے تحت بدنام کیا جارہا ہے۔