سندھ میں گزشتہ 24 گھنٹوں کے دوران ڈینگی کے مزید 37 نئے کیسز رپورٹ ہوئے ہیں۔

تفصیلات کے مطابق کراچی میں 24 گھنٹوں کے دوران ڈینگی کے 18 کیس رپورٹ ہوئے، 24 گھنٹوں کے دوران حیدرآباد میں 9 اور میرپور خاص میں 11 کیس رپورٹ ہوئے ہیں۔

سندھ میں ماہ اکتوبر میں ڈینگی کے اب تک 492 کیس رپورٹ ہوئے ہیں، کراچی کے ضلع وسطی سے 62، ضلع شرقی سے 63، ضلع کورنگی سے 56، ضلع جنوب سے 33، ضلع غربی سے 32 اور ضلع ملیر سے 17 کیس رپورٹ ہوئے ہیں۔

رواں سندھ میں ستمبر کے مہینے میں 603 کیس رپورٹ ہوئے تھے، جبکہ جنوری تا اگست تک ڈینگی کے 1365 کیس رپورٹ ہوئے تھے۔

سندھ بھر میں رواں سال اب تک ڈینگی کے 2460 کیس رپورٹ ہوچکے ہیں، رواں سال سندھ میں ڈینگی کے باعث اب تک 6 اموات رپورٹ ہوئی ہیں۔