پاکستان مسلم لیگ ن کے مرکزی رہنماء خواجہ محمد آصف نے کہا ہے کہ تنظیم سازی میں خواتین کو بھرپور نمائندگی دیں۔

تفصیلات کے مطابق سیالکوٹ میں پاکستان مسلم لیگ ن کے مرکزی رہنماء خواجہ محمد آصف نے ورکرکنونشن سے خطاب کرتے ہوئے کہا کہ تنظیم سازی میں خواتین کو بھرپور نمائندگی دیں، الیکشن کمیشن نے بڑے پیمانوں میں رد و بدل کیا ہے، ہمیں گزشتہ الیکشنوں میں اس بات کا علم نہیں تھا ووٹر لسٹیں میں کیا تبدیلیاں آئی ہیں۔

خواجہ محمد آصف کا کہنا تھا کہ دس پندرہ روز میں ووٹر لسٹوں کی تصدیق کا عمل شروع ہو جائے گا، کارکن ان فہرستوں کے رد و بدل پر نظر رکھیں، ایک ووٹ کا بھی تقدس پامال نہیں ہونا چاہئے، الیکشن جب بھی ہوں ہمیں تیار رہنا ہے۔