سابق وزیر خزانہ مفتاح اسماعیل نے کہا ہے کہ پی ڈی ایم ملک بھر میں مہنگائی کے خلاف تحریک چلا رہی ہے۔

تفصیلات کے مطابق سابق وزیر خزانہ مفتاح اسماعیل نے کہا ہے کہ مہنگائی ناقابلِ قبول ہے ، ہمیں نواز شریف کے دور کی قیمتیں چاہئیں۔

سابق وزیر خزانہ مفتاح اسماعیل نے کہا ہے کہ ن لیگ کے دور میں ملک گندم اور چینی کی پیداوار میں خود کفیل تھا ، موجودہ نااہل حکومت کی وجہ سے ہمارے دیگر ممالک سے تعلقات خراب ہوئے ، دیرینہ دوست چین بھی آج ہم سے ناراض ہے۔

اس سے قبل سابق وزیر خزانہ مفتاح اسماعیل نے کہا تھا کہ محمود آباد نالے کی اطراف لوگوں کو بھی پریشان کیا جا رہا ہے۔

انہوں نے کہا تھا کہ حکومت کے پاس پیسے ہیں ان کا فرض ہے کے نسلہ ٹاور کے مکینوں کی مالی امداد کریں ، حکومت اور عدالت ان کے خلاف بھی کارروائی کرے جنہوں نے یہ جگہ فروخت کی ، کراچی کی دو بڑی جماعتوں اور حکومتی اداروں کے افسران نے بھی چائنہ کٹنگ کی ہے۔

سابق وزیر خزانہ مفتاح اسماعیل نے کہا تھا کہ ایک وقت ایسا تھا کے لوگ گھروں میں بیٹھ کے چائنہ کٹنگ کرتے تھے ، نسلہ ٹاور کا پلاٹ جب الاٹ کیا گیا اس وقت ادارے کہاں تھے ، قانون جس نرم روئیے سے بڑے لوگوں کو ڈیل کرتاہے اسی طرح عوام کے ساتھ بھی نرم رویہ اختیار کرے۔

مفتاح اسماعیل نے کہا تھا کہ میں مسلم لیگ ن کی طرف سے اظہار یکجہتی کے لیے آیا ہوں ، یہ معاملہ بہت سنگین ہے ، ملک کے قانون کے مطابق جس کے پاس گھروں کی دستاویزات ہوں اس کو بے گھر نہیں کیا جاسکتا ، سپریم کورٹ کے چیف جسٹس سے اپیل ہے کہ وہ فیصلے پر نظر ثانی کریں۔

انہوں نے کہا تھا کہ وزیر اعلیٰ سندھ بھی اس حوالے سے مکینوں کے ساتھ کھڑے ہوں ، اسلام آباد میں بھی ایک اپارٹمنٹ ہے جس میں پارلیمنٹیرینز رہتے ہیں وہ آج بھی قائم ہے ، یہاں کے مکین کا بھی خیال ہے ، اگر لیز میں کوئی سقم ہے تو اس کی سزا مکینوں کو نہ دی جائے۔

سابق وزیر خزانہ نے کہا تھا کہ مسلم لیگ ن نسلہ ٹاور کے مکینوں کے ساتھ کھڑی ہے ، اس شہر میں منظم انداز میں چائنہ کٹنگ ہوئی ہے ، یہ غلط ہے غریبوں کے خلاف کارروائی کی جائے۔

مفتاح اسماعیل نے کہا تھا کہ ان افراد کے خلاف کارروائی ہونی چاہئے جنہوں نے غیر قانونی تعمیرات کی اجازت دی ہے ، بنی گالا کی تو منی ٹریل بھی نہ تھی لیکن لیز ہوگیا اور گجر نالا کے مکینوں کو بے دخل کردیا گیا۔