بلوچستان اسمبلی کااہم اجلاس آج ہوگا۔

تفصیلات کے مطابق بلوچستان اسمبلی کااہم اجلاس آج ہوگا جہاں اجلاس میں صرف عدم اعتماد کی قرارداد پیش ہوگی جبکہ گنتی نہیں ہوگی۔

ذرائع کا کہنا تھا کہ بلوچستان اسمبلی سیکرٹریٹ کے مطابق آج ہونے والے اجلاس میں قائد ایوان جام کمال خان کے خلاف محرکین میں سے کوئی ایک قرارداد پیش کرے گا،جس کے بعد اس قراردادپر بحث ہوگی ۔

ذرائع کا کہنا تھا کہ تاہم عدم اعتماد کی قراردادپر آج کے اجلاس میں گنتی نہیں ہوگی،اسمبلی قواعد و ضوابط کے مطابق 3 دن کے بعد اجلاس طلب کرکے قائد ایوان کو اعتماد کا ووٹ لینا لازمی ہوگا۔

سیکرٹریٹ ذرائع کے مطابق امکان ہے کہ آج کے اجلاس کے بعد دوبارہ اسمبلی کا اجلاس  25 اکتوبر کو طلب کیا جائے گا۔