کامیڈی کنگ عمرشریف کےانتقال پراظہارافسوس کرتے ہوئے پاکستان کی صف اول کی اداکارہ و تمغہ امتیاز مہوش حیات نے کہا کہ عمر شریف صاحب،ان تمام مسکراہٹوں اور خوشی کے لیے آپ کا شکریہ جو آپ ہماری زندگیوں میں لائے۔

سوشل میڈیا رپورٹس کے مطابق کامیڈی کنگ عمر شریف کے انتقال پر گہرے رنج و غم کا اظہار کرتے ہوئے ورسٹائل اداکارہ مہوش حیات نے سماجی رابطے کی ویب سائٹ ٹوئٹر پر جاری اپنے پیغام میں لکھا کہ عمر شریف کی جگہ کوئی نہیں لے سکتا۔

مہوش حیات نے اپنے تصدیق شدہ ٹوئٹر اکاؤنٹ پر جاری کیے گئے پیغام میں لکھا کہ قوم ایک اور عظیم لیجنڈ، کامیڈی کے بادشاہ کے انتقال پر سوگوار ہے۔ عمر شریف کو دنیا بھر میں شائقین کی ایک بڑی تعداد یاد کرے گی۔

Today, the nation mourns the passing of another great legend, the King of Comedy.💔 He shall be missed by a multitude of fans across the world. Umer Sharif Sahab, thank you for all the laughter and joy you brought into our lives. Nobody can ever replace you. RIP. #UmerSharif

Advertisement

— Mehwish Hayat TI (@MehwishHayat) October 2, 2021

اُنہوں نے یہ بھی لکھا کہ عمر شریف صاحب، ان تمام مسکراہٹوں اور خوشی کے لیے آپ کا شکریہ جو آپ ہماری زندگیوں میں لائے۔

مہوش حیات نے عمر شریف کی مغفرت کے لیے دُعا کرتے ہوئے لکھا کہ کوئی بھی آپ کی جگہ نہیں لے سکتا۔

واضح رہےکہ لیجنڈری اداکار و کامیڈین  عمر شریف کے انتقال کے حوالے سے کئی اہم سیاسی، سماجی و شوبز شخصیات نے بھی ٹوئٹس کیں اور ان کی موت پر گہرے رنج و غم کا اظہار کیا ہے۔

 اداکارہ صبا قمر نے اپنے پیغام میں افسوس کا اظہار کرتے ہوئے کہاکہ بالآخر  ہم سب کو اللہ کے پاس جانا ہے، لیکن عمر شریف صاحب کی موت  کا سن کر بہت افسوس ہوا ہے۔

Saddened to learn about the passing of Umer Shareef Saab. Indeed we belong to Allah and to Him we return. My deepest condolences to His family and Fans.#UmerShareef

— Saba Qamar (@s_qamarzaman) October 2, 2021

یاد رہے کہ جرمنی میں تعینات پاکستانی سفیر ڈاکٹر محمد فیصل نے اپنی ٹوئٹ میں تصدیق کی کہ عمر شریف خالق حقیقی سے جا ملے، ساتھ ہی انہوں نے اداکار کے اہل خانہ سے گہرے دکھ اور افسوس کا اظہار بھی کیا ہے۔