ایف آئی اے اسلام آباد زون نے ایکسچنج کمپنی کیخلاف کارروائی کی ہے۔

تفصیلات کے مطابق ایف آئی اے زون نے غیر قانونی کرنسی ایکسچینج / ٹرانزکشن کے کاروبار میں ملوث افراد کو گرفتار کرلیا، گرفتار ملزمان تنویر احمد اور اکمل سواتی  اے اے ایکسچین کی اسٹاک ایکسچینج ٹاور اسلام آباد برانچ میں بطورِ برانچ مینیجر اور کیشیر کام کر رہے تھے۔

ذرائع کا کہنا ہے کہ ملزمان نے جعلی انوائس اور رسیدات کی مدد سے لاکھوں پاکستانی کرنسی کے عوض امریکی ڈالر کی خرید و فروخت کی، ملزمان نے اے اے ایکسچینج کے کسٹمرز کا ڈیٹا اور شناختی کارڈ کا غلط استعمال کرتے ہوئے ڈالر کی بھی خرید و فروخت کی۔

ذرائع کے مطابق ملزمان پر جرم کے شواہد حاصل ہونے کے بعد کمرشل بینکنگ سرکل کی جانب سے مقدمہ نمبر 35/21 اور 36/21 درج رجسٹرڈ کر لئے گئے، ڈائریکٹر ایف آئی اے اسلام آباد زون کی جانب سے کرنسی ایکسچینج کے غیر قانونی کاروبار میں ملوث افراد کے خلاف سخت قانونی کاروائی عمل میں لانے کی ہدایات جاری کی گئی۔