پاکستان پیپلز پارٹی کے سندھ بھر میں جنرل ورکرز اجلاس کی تیاریوں کا سلسلہ زور وشور سے جاری ہے۔

تفصیلات کے مطابق سیکرٹری پیپلز پارٹی سندھ وقار مہدی نے کراچی جلسے سے متعلق کورنگی، ملیر اور جنوبی اضلاع میں ورکرز کنونشن میں بھرپور تیاریاں اور شرکت کی ہدایات کرتے ہوئے کہا کہ ضلع غربی، کیماڑی اور ضلع شرقی میں پارٹی تنظمیوں کے ورکرز کنونشن کل ہوں گے۔

جنرل سیکرٹری پیپلز پارٹی سندھ وقار مہدی نے بول نیوز سے خصوصی گفتگو کرتے ہوئے کہا کہ کل سے باغ جناح میں بھی جلسے کے انتظامات اور تیاری کا عمل شروع کردیں گے، 17 اکتوبر کو پیپلز پارٹی کا کراچی پاور شو تاریخی ہوگا، چیئرمین پیپلز پارٹی بلاول بھٹو زرداری سمیت وزیر اعلیٰ سندھ مراد علی شاہ کراچی جسلے سے خطاب کریں گے۔

 ذرائع کے مطابق کراچی میں وزیر اطلاعات سعید غنی اور سیکرٹری پیپلز پارٹی سندھ وقار مہدی کی زیرِ انتظام عہدیداران کی تیاریاں تیز ہیں۔