فوک گلوکار عطاء اللہ عیسیٰ خیلوی کا کہنا ہے کہ عمر شریف نے اپنے فن سے  پاکستان کا نام روشن کیا ہے۔

تفصیلات کے مطابق فوک گلوکار عطاء اللہ عیسیٰ خیلوی نے عمر شریف کے انتقال پر اظہار افسوس کرتے ہوئے کہا ہے کہ عمر شریف ایک ہی تھا, اس جیسا کوئی نہیں ہے۔

واضح رہے کہ لیجنڈری کامیڈین عمر شریف آج جرمنی میں انتقال کرگئے ہیں۔

یاد رہے کہ عمر شریف کو علاج کے لیے امریکی دارالحکومت واشنگٹن پہنچایا جانا تھا، جہاں معروف پاکستانی اداکارہ ریما خان کے شوہر اور ماہر امراض قلب ڈاکٹر طارق شہاب نے ان کے علاج کے لیے جارج واشنگٹن یونیورسٹی ہسپتال میں انتظامات کر رکھے تھے۔

واضح رہے کہ عمر شریف19 اپریل1955 کو کراچی کے علاقے لیاقت آباد میں پیدا ہوئے تھے،عمرشریف نے اپنے کیریئر کا آغاز1974 میں14 سال کی عمر میں اسٹیج اداکاری سے کیا تھا۔

اسکے علاوہ  عمرشریف کو بہترین اداکار اورڈائریکٹر کا ایوارڈ1992میں دیا گیا تھا،عمرشریف کوبہترین کارکردگی پرتمغہ امتیاز سے بھی نوازا گیا تھا۔