جشن عید میلاد النبیؐ آتے ہی ملک بھر کی طرح پاکپتن میں بھی شانِ رحمت اللعالمینؐ شایان شان طریقے سے منانے کے لئیے تقریبات کا سلسلہ جاری ہے۔

تفصیلات کے مطابق بزم ذکر حبیبؐ جماعت اہلِ سنت پاکستان کے زیرِ اہتمام استقبال ربیع الاول کا جلوس نکالا گیا ہے، جلوس میں علماء و مشائخ عظام سمیت عشاقان رسولؐ کی کثیر تعداد نے شرکت کی، جلوس میں درود پاک اور سرکار کی آمد مرحبا کی پر کیف صداوں سے فضائیں گونج اٹھیں۔

ذرائع کا کہنا ہے کہ جلوس کے اختتام پر ملک و قوم کی سلامتی اور کورونا وباء سے نجات کے لئیے خصوصی دعا بھی کی گئی، بہترین انتظامات پر علماء و مشائخ اور شہریوں نے انتظامیہ کا شکریہ ادا کیا۔