قومی کرکٹر حارث رؤف کا کہنا ہے کہ مارٹن گپٹل کی وکٹ حاصل کرکے بہت خوشی محسوس ہوئی تھی۔

تفصیلات کے مطابق گزشتہ روز نیوزی لینڈ کے خلاف میچ میں بہترین کارکردگی پر حارث رؤف میں آف دی میچ قرار پائے ، اس موقع پر ان کا کہنا تھا کہ سب سے پہلے میں اللہ کا شکر ادا کرتا ہوں، جس کی وجہ سے آج بھی ہمیں کامیابی حاصل ہوئی ہے۔

حارث رؤف کا کہنا تھا کہ ہم سارے کھلاڑی ایک دوسرے سے بات چیت کرتے ہیں ، ایک دوسرے کو سپورٹ کرتے ہیں جس سے ہمیں کانفیڈینس ملتا ہے۔

انہوں نے یہ بھی کہا کہ میں یہاں اپنی فیملی اور لاہور قلندرز کی دعاؤں کی وجہ سے ہوں۔

واضح رہے کہ گزشتہ روز ہونے والے ٹی 20 ورلڈ کپ کے گروپ میچ میں پاکستان نے کیویز کو 5 وکٹوں سے شکست دے تھی۔

میچ میں پاکستان کے کپتان بابر اعظم نے نیوزی لینڈ کے خلاف ٹاس جیت کر بولنگ کا فیصلہ کیا تھا اور نیوزی لینڈ نے پاکستان کیخلاف مقررہ 20 اوورز میں 8 وکٹوں کے نقصان پر 134 رنز بنائے تھے۔

 پاکستان کی جانب سے حارث رؤف نے شاندار بولنگ کرتے ہوئے 22 رنز کے عوض 4 وکٹیں حاصل کی تھیں۔