سندھ میں گزشتہ 24 گھنٹوں کے دوران ڈینگی کے 43 کیس رپورٹ ہوئے ہیں۔

تفصیلات کے مطابق کراچی میں 24 گھنٹوں کے دوران ڈینگی کے 33 کیس رپورٹ ہوئے ہیں، 24 گھنٹوں کے دوران حیدرآباد میں 9 اور میرپور خاص میں 1 کیس رپورٹ ہوا ہے۔

محکمہ صحت سندھ کا کہنا ہے کہ سندھ میں ماہ اکتوبر میں ڈینگی کے اب تک 819 کیس رپورٹ ہوئے ہیں، ضلع شرقی 10، ضلع وسطی 7 اور ضلع جنوبی میں 7  ضلع کورنگی میں 6 ، ضلع غربی میں 1 اور ضلع ملیر میں 2 کیس رپورٹ  ہوئے ہیں۔

محکمہ صحت سندھ کے مطابق رواں سال سندھ میں ستمبر کے مہینے میں 603 کیس رپورٹ ہوئے تھے، رواں سال سندھ میں جنوری تا اگست تک ڈینگی کے 1365 کیس رپورٹ ہوئے تھے۔

محکمہ صحت سندھ کا کہنا ہے کہ سندھ بھر میں رواں سال اب تک ڈینگی کے 2460 کیس رپورٹ ہوچکے ہیں، رواں سال سندھ میں ڈینگی کے باعث اب تک 6 اموات رپورٹ ہوئی ہیں۔