پی ڈی ایم کے رہنما مولانا عبدالغفور حیدری نے کہا ہے کہ لوگ مہنگائی کی وجہ سے خودکشی کر رہے ہیں۔

تفصیلات کے مطابق پی ڈی ایم کے رہنما مولانا عبدالغفور حیدری نے کہا ہے کہ پورے ملک کو آئی ایم ایف کی جھولی میں ڈال دیا ہے۔

انہوں نے کہا کہ کہاں گئیں 50 ہزار نوکریاں ، غریب عوام کا جینا دوبر ہو گیا ہے ، انہوں نے کہا تھا کہ ڈالر کو 60 روپے پر لے آئیں گے لیکن اب 170 روپے کا ہوگیا انہیں غیرت نہیں آ رہی ہے ، پی ٹی آئی حکومت کو شرم و حیا نہیں ہے۔

مولانا عبدالغفور حیدری نے کہا ہے کہ انہیں کچھ بھی کہو انہیں فرق نہیں پڑتا ، جمہوریت کا گلہ گھونٹا گیا ، عمران خان کے الفاظ  ہیں کہ قاتل اگر پکڑے نہ جائیں تو سمجھ لو کہ حکمران قاتل ہے ، اگر مہنگائی ہو تو سمجھ لو کہ حکمران چور ہے۔

پی ڈی ایم کے رہنما مولانا عبدالغفور حیدری نے کہا ہے کہ سندھ سمیت پورے پاکستان میں احتجاج کرنا ہے۔

 اس سے قبل پی ڈی ایم کے رہنماء مولانا عبدالغفور حیدری نے پاکستان مسلم لیگ ن کے رہنما رانا ثناءاللہ کے ہمراہ  میڈیا سے گفتگو کرتے ہوئے  کہا تھا کہ پاکستان کی کرنسی بدترین سطح پر پہنچ گئی ہےافغانستان میں قائم مقام وزیر خزانہ نے ڈالر 88 کا کر دیا ہے۔

پی ڈی ایم کے رہنما نے کہا تھا کہ ایک کروڑ نوکریاں، ڈالر کی قیمتوں میں کمی، قرض اتارنے کے خواب دکھائے گئے۔ آٹا چینی گھی،اشیاء خوردونوش کی کی قیمتیں عام آدمی کی پہنچ سے دور ہو گئی ہیں۔

   مولانا عبدالغفور حیدری کا  کہنا تھا کہ کہ16 اکتوبر کو فیصل آباد میں تاریخ ساز جلسہ ہو گا، جلسہ نااہل حکومت کے خلاف ریفرنڈم ہو گا۔

پی ڈی ایم کے رہنما سینیٹر  مولانا عبدالغفور حیدری کا مزید کہنا تھا کہ اس ملک کو جتنی جلدی گھر بھیج دیں اچھا ہے،،ہم نے پورے ملک میں جلسے کیے اور یہاں بھی کامیاب ہو گا۔