پاکستان اور روس نے اسٹریم گیس پائپ لائن منصوبے پر خصوصی کمپنی ‘اسپیشل پرپز کمپنی” کے قیام پر اتفاق کر لیا ہے۔

ذرائع کے مطابق فریقین نے اسپیشل پرپوذ کمپنی کے قیام کے لیے شئیر ہولڈرز معاہدے پر بھی اتفاق کیا، دونوں ممالک اس خصوصی کمپنی کے قیام کے لیے شراکت داری کے معاہدے کے ڈسکشن ڈرافٹ پر بھی متفق ہوگئے ہیں۔

ذرائع کا کہنا ہے کہ دونوں ممالک شراکت داری کے معاہدے پر آئندہ برس 15 فرروی کو دستخط کریں گے، پاکستان کا ایک وفد عمر ایوب خان کی قیادت میں پاک روس اسٹریم گیس پائپ لائن کے معاملے کے حل کے لیے روس میں موجود ہے، وفد کے روسی انتظامیہ سے مذاکرات کے کے ادوار منعقد ہوئے۔

واضح رہے کہ 15 جولائی کو طے ہونے والی ہیڈ آف ٹرمز کے تحت کراچی کے علاقے پورٹ قاسم سے لاہور تک تقریباً 1100 کلو میٹر طویل گیس پائپ لائن ڈالی جائے گی جس پر 2.5 سے 3 ارب ڈالر لاگت آئے گی اور یہ منصوبہ 2023 میں مکمل ہوگا۔