پاک افغان بارڈر کو آمدورفت کیلئے کھول دیا گیا ہے ۔

پاکستان اور افغانستان کے درمیان چمن بارڈر پر باب دوستی کو پیدل آمدورفت اور تجارتی سرگرمیوں کیلئے کھول دیا گیا ہے۔

باب دوستی 5 اکتوبر کو طالبان کی جانب سے ہرقسم کی آمدورفت کےلیے بند کیا گیا تھا۔

ذرائع کے مطابق گزشتہ روز پاک افغان حکام اور ٹریڈیونینزنے باب دوستی کھولنے پراتفاق کیا۔

کسٹم حکام کا کہنا ہے کہ باب دوستی گڈزٹرانسپورٹ دوطرفہ ٹریڈ کیلئے 24 گھنٹے کھلا رہے گا جبکہ پیدل آمدورفت صبح 8 سے شام 5 بجے تک ہوگی۔

ذرائع کے مطابق افغانستان میں پھنسےخالی پاکستانی کنٹینرز باب دوستی سے پاکستان میں داخل ہوگئے ہیں، پاکستان کی جانب سے پھل سبزیوں کے ٹرک افغانستان میں داخل ہوگئے ہیں۔

پاکستانی حکام کا اس حوالے سے کہنا ہےکہ رات کےاوقات میں دونوں جانب کسٹم عملے کی موجودگی کیلئے اقدامات کیے گئے ہیں۔