بلوچستان کابینہ کا تعارفی اجلاس آج ہوگا۔

تفصیلات کے مطابق بلوچستان کابینہ کا اجلاس آج دوپہر ایک بجے وزیر اعلیٰ میر عبدالقدوس بزنجو کی صدارت میں ہوگا۔

ذرائع کے مطابق نئی صوبائی کابینہ کے پہلے اجلاس کے ایجنڈے میں 10 نکات زیر غور لائے جائیں گے۔

ذرائع نے بتایا ہے کہ ایجنڈے میں سرکاری گاڑیوں کو رجسٹریشن فیس سے استثنیٰ دینے کی منظوری شامل ہے۔

اس کے علاوہ کابینہ گندم کی خریداری کے پلان اور پالیسی برائے 2022 کی منظوری بھی دے گی۔

خیال رہے کہ اجلاس میں ترمیمی بل برائے موٹر وہیکل آرڈیننس 1965 پر بھی غور ہو گا۔

واضح رہے کہ بلوچستان لیٹرز آف ایڈمنسٹریشن اینڈ سکسیشن سرٹیفیکیٹ بل 2021 بھی کابینہ کے سامنے پیش کیا جائے گا۔