اسدعمر نے کہا ہے کہ اسلام آباد لوکل گورنمنٹ ایکٹ کوفائنل کر دیا ہے۔

وفاقی وزیر برائے منصوبہ بندی اسدعمر نے میڈیا سے گفتگو کرتے ہوئے کہا ہے کہ اسلام آباد شہر جب بسایا گیا تو سی ڈی اے ایکٹ کے تحت لینڈ ایکوائر کی پاور دی گئی ، 1961 میں تو لینڈ ایکوائر کی بات سمجھ آتی تھی اب نہیں۔

انہوں نے کہا کہ اس قانون کی بنیاد پر عام شہری سے زمین لیکر طاقتور طبقے میں تقسیم کی جاتی رہی جس میں سیاست دان اور سول سرونٹ شامل ہیں ، کابینہ نے سی ڈی اے ایکٹ میں تبدیلی کی منظوری دی۔

وفاقی وزیر نے کہا کہ سیکشن فور لگا کر اب کوئی لینڈ ایکوائر نہیں کر سکے گا ، لوگ فائلوں پر بھی کروڑوں بناتے رہے ، جہاں ایکوزیشن ہو چکی اور بلڈ اپ کی پے منٹ نہیں ہوسکی ان کواب مارکیٹ ویلیو کے مطابق پے منٹ کی جائیگی ، دو نہیں ایک اسلام آباد منشور ہے ، اسلام آباد کے مختلف علاقوں میں تفریق ختم کرنے جا رہے ہیں سنگل ریگولیٹری رجیم میں جا رہے ہیں۔

اسدعمر نے کہا کہ اسلام آباد لوکل گورنمنٹ ایکٹ کوفائنل کر دیا ہے ، سارے اختیارات ایم سی آئی کے پاس جائیں گے اور سی ڈی اے ریگولیٹر کا کردار ادا کریگا ، انتظامی، سیاسی اور مالی طور پر خود مختار لوکل گورنمنٹ بنائیں گے ، دیہی نان سیکٹورل علاقے اسلام آباد کے پچاس فیصد بنتے ہیں ، ان علاقوں میں ڈیڑھ ارب کی انوسمنٹ ہوچکی مزید ٹینڈر ایوارڈ ہورہے۔

انہوں نے کہا کہ دیہی علاقوں کی گلیاں سڑکیں، واٹر فلٹریشن پلانٹ پر کام ہورہاہے ، آئی جے پرنسپل روڈ کی تعمیر نو کا ترقیاتی کام ہو رہا ہے ، اسلام آباد کے تمام رہائشیوں کو صحت سہولت کارڈ کی سہولت دی جائیگی ، شہر میں مکین خاندان 10 لاکھ تک روپے کی میڈکل سہولت حاصل کر سکیں گے ، مختلف علاقوں میں ساڑھے 4 سو بیڈ کے تین اسپتال بننے جا رہے ہیں۔

وفاقی وزیر برائے منصوبہ بندی اسدعمر نے کہا ہے کہ ایجوکیشن میں پانچ کالجز پر کام ہو رہا ہے 100 سے زائد اسکول اپ گریڈ کر رہے ہیں ، 19 بنیادی صحت کے مرکز اسلام آباد میں اپ گریڈ کیے جا رہے ہیں ، ہیلتھ کا انفراسٹرکچر تبدیل ہونے جا رہا ہے ، پمز میں ایک بہت بڑا ٹراما سینٹر بننے جارہا ہے۔