عاصم افتخار نے کہا ہے کہ ہم کرتارپور راہداری برائے امن کی دوسری سالگرہ منا رہے ہیں۔

تفصیلات کے مطابق ترجمان دفترخارجہ عاصم افتخار احمد نے کہا ہے کہ پاکستان نے 9 نومبر 2019 کو کرتارپور راہداری برائے امن کا افتتاح کیا ، ہم اس کی دوسری سالگرہ منا رہے ہیں۔

انہوں نے کہا کہ ہم اس موقع پر پاکستان کے بین المذاہب ہم آہنگی کے فروغ کی پالیسی کی تجدید کرتے ہیں ، کرتار پور راہداری گرونانک کے نام لیواؤں کو پاکستان میں گردوارہ دربار صاحب کرتارپور تک بغیر ویزا رسائی کی سہولت فراہم کرتی ہے ، سال بھر ، ہفتے میں ساتوں روز 5 ہزار سے زائد یاتری کرتار پور کا دورہ کر سکتے ہیں۔

عاصم افتخار احمد نے کہا ہے کہ اقوام متحدہ سیکرٹری جنرل انتونیو گوتریس نے کرتار پور کو امید کی راہداری قرار دیا ہے ، انہوں نے کرتار پور راہداری کو پاکستان کی اقدار کے فروغ کا خصوصی اقدام ، بین المذاہب ہم آہنگی ، پرامن بقائے باہمی اور برداشت کے عزم کا عکاس قرار دیا ہے۔

ترجمان دفترخارجہ عاصم افتخار احمد نے کہا ہے کہ یہ پاکستانی سکھ ورثے کا قابل فخر ثبوت ہے۔

Today is the second anniversary of the Kartarpur Corridor – a corridor of interfaith harmony that allows India’s Sikh community special access to one of their holiest sites. Kartarpur Corridor reflects my government’s commitment to minority rights and interfaith harmony.

— Imran Khan (@ImranKhanPTI) November 9, 2021