ائیرپورٹس سیکورٹی فورس (اے ایس ایف) کی جانب سے کراچی ائیر پورٹ پر بڑی کارروائی کی گئی ہے۔

تفصیلات کے مطابق کارروائی کے نتیجے میں بیرون ملک ہیروئن اسمگلنگ کی بہت بڑی کوشش ناکام بنا دی گئی ہے۔

ترجمان اے ایس ایف کا کہنا ہے گلف ائیر کے ذریعے بحرین جانے والے مسافر کے بیگ سے ڈیڑھ کروڑ پاکستانی روپے سے زائد مالیت کی ڈیڑھ کلو گرام ہیروئن برآمد کر لی گئی ہے، مسافر رحمان نے ہیروئن اپنے بیگ میں مہارت سے چھپا رکھی تھی۔

ان کا مزید کہنا تھا کہ اے ایس ایف عملے نے شک پڑنے پر پیشہ وارانہ مہارت کا مظاہرہ کرتے ہوئے مسافر کے مشکوک بیگ کی تلاشی لی اور ملزم کوگرفتار کرلیا گیا۔

واضح رہے کہ ملزمان کو ابتدائی تفتیش کے بعد برآمد شدہ ہیروئن سمیت مزید کارروائی کے لیے اے این ایف کے حوالے کر دیا گیا ہے۔