بھارت سے 306 سکھ یاتری دربار گرونانک پہنچ گئے

شبین رضا

28th Nov, 2021. 02:18 pm
شيئر

کرتارپور راہداری سے 306 سکھ یاتری گردوارہ کرتار پور دربار صاحب کے درشن کے لیے پہنچ گئے۔

بابا گرو نانک دیو جی کے درشن اور اپنی مذہبی رسومات ادا کرنے کے لیے کرتار پور راہداری کے ذریعے بھارت سے 306 سکھ یاتری دربار گرونانک پہنچے ہیں۔

درشن ڈیوڑھی پر سی ای او مینجمنٹ کمیٹی محمد لطیف نے جتھوں کا استقبال کیا اور بھارت سے آئے سکھ یاتریوں نے پاکستان گورنمنٹ کا شکریہ ادا کیا ۔

اس موقع پر سکھ یاتریوں نے پاکستان کی طرف سے دیے گئے عظیم شاہکار کرتار پور راہداری کو زندگی کی سب سے بڑی خواہش قرار دیا اور کہا کہ پاکستان پرامن ملک ہے اور اس کے باسی محبتوں کے امین ہیں ۔

اختتام