پاکستان پیپلز پارٹی کے رہنما منظور وسان نے کہا ہے کہ وزیر اعظم عمران خان ہر چیز کا ذمہ دار سندھ کو قرار دیتے ہیں۔

منظور وسان نے اپنے جاری کردہ ایک بیان میں کہا کہ عمران خان سندھ کے سوا دوسروں پر الزام نہیں لگاتے کیونکہ وہاں ان کی حکومت ہے، وزیر اعظم عمران خان ہر چیز کا ذمہ دار سندھ کو قرار دیتے ہیں۔

ان کا کہنا تھا کہ گندم کی سیزن شروع ہے فرٹیلائیزر کے مہنگے ہونے کی ذمہ دار بھی سندھ حکومت کو قرار دے دیا ہے، ڈی اے پی امپورٹ کی جاتی ہے، ہماری طرف سے کم قیمت میں سپلائی کی جارہی ہے، ہم نے ڈی اے پی مہنگا بیچنے پر جرمانے لگائے۔

پاکستان پیپلز پارٹی کے رہنما منظور وسان نے مزید کہا کہ یوریا 1800 سندھ میں جبکہ پنجاب میں 2400 کی مل رہی ہے۔