وفاقی وزی برائے بین الصوبائی روابط ڈاکٹر فہمیدہ مرزا نے کہا ہے کہ پاکستان کی تاریخ میں پہلی مرتبہ تائیکوانڈو اس اس طرز کا ایونٹ منعقد کروایا جا رہا ہے۔

تفصیلات کے مطابق وفاقی وزی برائے بین الصوبائی روابط ڈاکٹر فہمیدہ مرزا نے میڈیا سے گفتگو کرتے ہوئے کہا کہ پاکستان تائیکوانڈو فیڈریشن نے انٹرنیشنل طرز کی چیمپئن شپ منعقد کروا ئی جس میں 15 ممالک کے کھلاڑی حصہ لےرہےہیں۔

ان کا کہنا تھاکہ اسپورٹس ڈپلومیسی اہم ہے اور کوشش یہی ہوتی ہے کہ اسپورٹس ڈپلومیسی کو فروغ دیا جائے۔

وفاقی وزیر کا کہنا تھا کہ پاکستان اسپورٹس بورڈ نے  کھلاڑیوں کو بھرپور طریقے سے سہولیات فراہم کی ہیں،نوجوانوں کو کھیلوں کی طرف راغب کرنا ضروری ہے کیونکہ اس سے جسم و دماغ صحت مند رہتے ہیں۔

ان کا کہنا تھا کہ کھیلوں کو سیاست سے دور رکھنا چاہیے، کھیلوں کے ذریعے قوموں کو قریب لایاجاتاہے

وفاقی وزیر برائے بین الصوبائی روابط ڈاکٹر فہمیدہ مرزا  کا مزید کہنا تھا کہ ڈیپارٹمنٹس نے کھیلوں کی نرسریوں کو ختم کردیا ہے۔