لاہور نے فضائی آلودگی میں سب کو پیچھے چھوڑ دیا
لاہور نے فضائی آلودگی میں سب کو پیچھے چھوڑ دیا ہے۔
تفصیلات کے مطابق لاہور فضائی آلودگی میں دنیا کا سب سے آلودہ شہر بن گیا ہے، فضائی آلودگی کے اعتبار سے آج بھی لاہور دنیا کے آلودہ ترین شہروں میں پہلے نمبر پر ہے۔
ایئر کوالٹی انڈیکس کے مطابق لاہور میں ایئر کوالٹی انڈیکس 240 اے کیو آئی ریکارڈ کیا گیا جبکہ کوٹ لکھپت کے علاقے میں ایئر کوالٹی انڈیکس 358 تک جا پہنچا ہے۔
اس کے علاوہ ٹاؤن شپ کے علاقے میں ایئر کوالٹی انڈیکس 273 ریکارڈ کیا گیا جبکہ ڈیفینس کے علاقے میں 278 ایئر کوالٹی انڈیکس ریکارڈ کیا گیا ہے۔
میڈیا رپورٹس کے مطابق دہلی میں فضائی آلودگی بڑھنے سے بچوں میں سانس کی بیماریوں میں اضافہ ہو گیا ہے۔
فضائی آلودگی کی وجہ سے دہلی میں تعلیمی اداروں کو ایک ہفتے کے لیے بند کر دیا گیا ہے جبکہ بھارتی سپریم کورٹ نے بھی فضائی آلودگی کا نوٹس لیا ہے۔
فضائی آلودگی:
فضائی آلودگی ہوا میں موجود وہ مادے یا ذرات ہوتے ہیں جو کہ انسانی سرگرمیوں کی بدولت فضا کا حصہ بنتے ہیں۔
فضائی آلودگی گیسوں کی زیادتی، زہریلی گیسوں، تابکاری شعاعوں، کیمیائی مادوں، ٹھوس ذرات، مائع قطرات، گرد و غبار اور دھویں وغیرہ کی وجہ سے پیدا ہوتی ہے اور یہ انسانی صحت اور ماحول دونوں کو نقصان پہنچانے کا باعث بنتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News