امتیاز شیخ کا کہنا ہے کہ متاثرین کی بحالی (ری سیٹلمنٹ) انکی چوائس کے تحت کی جائے گی۔

وزير توانائی سندھ امتیاز شیخ کی زیر صدارت تھر میں گوڑانو ڈیم متاثرین کے معاملے پر اجلاس ہوا ہے۔

انہوں نے کہا کہ گوڑانو ڈیم کے باعث حجام سمیت متعدد قریبی گوٹھ سیپیج سے متاثر ہوئے ہیں، تھر کے ارکان اسمبلی اور متاثرین کی مشاورت سے مسٸلے کو جلد سے جلد حل کرلیا جائے گا۔

امتیاز شیخ کا کہنا ہے کہ متاثرین کو صوبائی حکومت کی جانب سے بجلی کی فراہمی کے بندوبست کا فیصلہ کیا گیا ہے اور علاقے میں موجود اسکول کو تھر فاؤنڈیشن اپ گریڈ کرکے تھر فاؤنڈیشن سے بہتری کا فیصلہ بھی کیا گیا ہے۔

وزير توانائی سندھ نے مزید کہا کہ صحت کی سہولیات کو بہتر کرنے کے لئے پی پی ایچ آئی سے ملکر موجود اسپتال میں بہتری لائی جائے گی۔