ملتان کے علاقے غلہ منڈی روڈ پر گیس لوڈ شیڈنگ اور مہنگائی کے خلاف لیگی خواتین نے احتجاج کیا ہے۔

خواتین نے چوک شہباز پر احتجاج کرتے ہوئے سڑک بند کر دی، خواتین کا کہنا ہے کہ گیس کی طویل لوڈ شیڈنگ کے باعث شدید مشکلات کا سامنا ہے، گیس آئے تو پریشر بہت کم ہوتا ہے جس سے بچوں کے لیے دودھ بھی گرم نہیں کر سکتی۔

احتجاجی مظاہرے میں خواتین نے ہاتھوں میں چولہے اور توئے بھی اٹھائے ہوئے ہیں، ان کا کہنا تھا کہ مہنگا ایل پی جی سیلنڈر نہیں خرید سکتے جبکہ لکڑی کی قیمتیں بھی بڑھ گئی ہیں۔

مظاہرین نے یہ بھی کہا کہ بازار کے کھانے بھی اس قدر مہنگے ہوگئے ہیں کہ غریب آدمی خرید ہی نہیں سکتا، خواتین نے مطالبہ کیا کہ سوئی گیس کی لوڈ شیڈنگ کو ختم کیا جائے۔

احتجاج میں خواتین کی جانب سے حکومت کے خلاف شدید نعرے بازی بھی گئی۔

دوسری جگہ گوجرانوالہ چیمبر آف کامرس کے صدر نے صنعتوں کو گیس ملنے کے حکومتی دعوؤں کی نفی کردی ہے۔