وزیرِ اعظم عمران خان سے اراکینِ پارلیمنٹ نے ملاقات کی ہے۔

ملاقات میں سینیٹر لیاقت خان ترکئی، اراکینِ قومی اسمبلی عبدالغفار وٹو، غلام بی بی بھروانہ اور انجینئر عثمان خان ترکئی شامل تھے۔

ملاقات میں متعلقہ حلقوں کے امور اور جاری ترقیاتی منصوبوں پر گفتگو کی گئی۔

دوسری جانب وزیرِ اعظم عمران خان سے خواتین اراکینِ قومی اسمبلی منورہ بلوچ، صائمہ ندیم، اور نصرت واحد نے ملاقات کی ہے، ملاقات میں معاونِ خصوصی سیاسی امور ملک عامر ڈوگر بھی شریک تھے۔

ملاقات میں بلوچستان پیکج کے تحت جاری ترقیاتی منصوبوں پر گفتگو ہوئی جبکہ سندھ بالخصوص کراچی میں وفاقی حکومت کے پبلک ٹرانسپورٹ کی بہتری کیلئے منصوبوں پر بات چیت کی گئی۔