پاکستان کی ٹاپ ماڈل، ٹک ٹاک اسٹار اور اداکارہ جنت مرزا نے ٹک ٹاک پر 17 ملین فالوورز ہونے کی کامیابی اپنے نام کر لی ہے۔

پاکستان کے شہر فیصل آباد سے تعلق رکھنے والی ٹک ٹاک ماڈل اور رواں سال ہی لالی ووڈ میں ڈیبیو کرنے والی اداکارہ جنت مرزا کو ٹک ٹاک پر 17 ملین صارفین نے فالو کرلیا ہے۔

ٹک ٹاک فالوورز میں اضافے کے بعد جنت مرزا پاکستان کی وہ پہلی شخصیت بن گئی ہیں جنہیں سوشل میڈیا پلیٹ فارم پر 17 ملین صارفین نے فالو کیا ہوا ہے۔

دلچسپ بات یہ ہے کہ یہ اعزاز حاصل کرنے کے بعد جنت مرزا نے مقبولیت کی دوڑ میں پاکستان کے موجودہ وزیراعظم عمران خان کو بھی پیچھے چھوڑ دیا ہے۔

وزیراعظم عمران خان کے مائیکرو بلاگنگ سائٹ ٹوئٹر پر 14 اعشاریہ 8 ملین فالوورز ہیں لیکن جنت مرزا فالوورز کی دوڑ میں عمران خان سے بھی آگے ہیں۔

جنت مرزا کے ٹک ٹاک اکاؤنٹ کا جائزہ لیں تو اُنہوں نے اب تک لاتعداد ویڈیوز اپ لوڈ کی ہیں جس پر لاکھوں میں لائکس آتے ہیں۔

واضح رہے کہ جنت مرزا ان دنوں وہ اپنے اہلخانہ کے ہمراہ جاپان میں موجود ہیں۔