صوبہ پنجاب میں واقع سمندری میں معمولی تلخ کلامی پر فائرنگ کا واقعہ پیش آیا ہے۔

تفصیلات کے مطابق گزشتہ شب صوبہ پنجاب کے ضلع فیصل آباد میں واقع سمندری میں میلے کے دوران موٹر سائیکل پیچھے کرنے پر تلخ کلامی ہوئی جس کے بعد آج مخالفین نے گھر کے سامنے سے گزرتے ہوئے فائرنگ کر دی۔

ذرائع کا کہنا ہے کہ فائرنگ سے 1 بھائی جاں بحق، دوسرا بھائی اور کزن شدید زخمی ہوگئے، جاں بحق کی شناخت سلطان ولد مراد اور زخمیوں میں عمران ولد مراد اور فرزند ولد حاکم علی شامل ہیں۔

ذرائع کے مطابق زخمیوں کو تحصیل ہیڈ کوارٹر ہسپتال منتقل کیا گیا جہاں پر حالت تشویشناک ہونے کے باعث فیصل آباد ریفر کر دیا گیا۔

واضح رہے کہ تھانہ صدر پولیس جائے وقوعہ پر موقع پر پہنچ گئی۔