وفاقی وزیر ریلوے اعظم خان سواتی نے کہا ہے کہ پاکستان اور ایران کے ساتھ تجارتی تعلقات کو بہتر بنانے کے خواہاں ہے۔

اعظم خان سواتی سے پاکستان میں تعینات ایران کے سفیر سید محمد علی نے وزارت ریلوے میں ملاقات کی، ملاقات کے دوران دونوں ممالک کے تعلقات اور ریلوے پروجیکٹس کے حوالے سے  بھی بات چیت ہوئی۔

ملاقات میں وفاقی وزیر ریلوے نے کہا کہ پاکستان اور ایران کے درمیان تمام شعبوں میں تعلقات میں مزید بہتری پید ا ہو رہی ہے، پاکستان ریلویز مستقل طور پر ملکی اور بین لاقوامی سپلائرز کے ساتھ طویل مدتی معاہدوں کے ذریعے اپنے کسٹمرز کو بہتر بنانے میں کوشاں ہے۔

ایرانی سفیر سید محمد علی کا کہنا تھا کہ پاکستان اور ایران کی دوستی لازاول ہے، دونوں ممالک کے درمیان اخوت اور محبت کے رشتہ بہت مضبوط ہیں۔

وفاقی وزیر ریلوے نے کہا کہ پاکستان کے کاروبار کے لئے دوست ماحول ہے جس سے ایرانی سرمایہ کاروں کو فائدہ اٹھانے کی ضرورت ہے، پاکستان ایران کے ساتھ تجارتی تعلقات کو بہتر بنانے خواہاں ہے۔

ملاقات کے دوران دونوں ممالک کے دو طرفہ معاملات کے امور اور ریلوے کے حوالے سے بھی زیرِ بحث آئے۔ دونوں رہنماؤں نے دو طرفہ تعاون جاری رکھنے اور اسے وسعت دینے پر بھی اتفاق کیا۔

یاد رہے کہ ملاقات میں سیکریٹری/ چیئرمین ریلوے حبیب الرحمٰن گیلانی، ڈی جی پلاننگ و دیگر شامل تھے۔