وزیراعظم عمران خان کےدورہ اٹک کےبعد پی ٹی آئی کےاختلافات مزید شدت اختیارکرگئے۔

ذرائع کے مطابق پی ٹی آئی ضلع میں تین دھڑوں میں تقسیم ہوگئی جبکہ وزراء اورممبران اسمبلی کےدرمیان ترقیاتی کاموں کاکریڈیٹ لینےکی جنگ بھی چھڑگئی۔

ترقیاتی کام کو ہرکوئی اپنے طورپر کیش کرانے میں چکروں میں پڑگیا ہے، معاون خصوصی امین اسلم کی جانب سےمدراینڈچائلڈ ہسپتال کےمنصوبےکواپنی طرف منسوب کرنے پر صوبائی وزیریاوربخاری سیخ پاہوگئے۔

صرف یہی نہیں بلکہ گیس پریشرمیں کمی دورکرنےکےلئے نئی گیس پائپ لائن منصوبہ بھی تنازع کی شکل اختیارکرگیا۔

ضلعی چیئرپرسن ایمان طاہراپنے والدایم این اے کےدفاع میں میدان میں آگئیں ،ان کا کہنا ہےکہ گیس پائپ لائن منصوبہ میجرطاہرصادق کاہے۔

ایمان طاہر کا کہنا ہےکہ وزیراعظم نے مدراینڈچائلڈ ہسپتال میں کسی وزیرکانام نہیں لیا، مخالفین اپناغصہ کہیں اورنکالیں میجرطاہرکی خدمات کسی سے ڈھکی چھپی نہیں۔

انہوں نے کہاکہ مخالفین کا صرف دوسروں کےمنصوبوں پراپنےنام کی تختیاں لگاناکام ہے۔

دوسری جانب صوبائی وزیریاوربخاری نے معاون خصوصی اورایم این اےکو کھری کھری سنادیں۔

یاوربخاری کا کہنا ہےکہ مدراینڈچائلڈ ہسپتال اورگیس پائپ لائن منصوبہ صرف میراہے ، میں کسی کو اپنےمنصوبےکاکریڈیٹ لینےنہیں دوں گا۔

صوبائی وزیربیت المال کا کہنا ہےکہ میجرطاہرنے ایک ٹکےکاکام نہیں کروایا۔

صوبائی وزیریاوربخاری نے کہاکہ ممبران اپنی ہمت دکھائیں عملی کام کریں،دوسرےکےکام کا کریڈیٹ نہ لیں۔

ذرائع کے مطابق آپس کی لڑائی سے پی ٹی آئی میجرگروپ ،امین اسلم گروپ اوربخاری گروپ میں تقسیم ہو گیا ہے۔