شفقت محمود کا کہنا ہےکہ عالمی وبا کورونا کی صورتحال ہمارے لئے بہت مشکل تھی۔

وفاقی وزیر تعلیم شفقت محمود نے ا نٹراسپورٹس گرلز گالا کی افتتاحی تقریب سےخطاب کرتے ہوئے کہاکہ  تعلیم کے ساتھ کھیلوں کی سرگرمیوں میں حصہ لینا بھی ضروری ہے ، بچیوں کی  اسپورٹس میں دلچسپی اور شراکت دیکھ کر بہت خوشی ہو رہی ہے۔

https://87a505d36e.nxcli.net/urdu/wp-content/uploads/2021/11/Shafqat-mehmood-talk.mp4?_=2

شفقت محمود نے کہاکہ ہم اپنے تعلیمی اداروں میں علم کی سہولتیں دینگے، ایسا پاکستان بنائینگے جس پر پوری دنیا رشک کرے گی۔

وفاقی وزیرتعلیم نے کہاکہ انٹر اسپورٹس گالا میں شرکت کرنے والے مبارک باد کے مستحق ہیں۔

یہ بھی پڑھیں:

وفاقی وزیر تعلیم شفقت محمود نے سموگ کے باعث ہفتے میں تین دن اسکول بند رکھنے کے فیصلے کو خوش آئند قرار دے دیا۔

شفقت محمود نے میڈیا سے گفتگو کرتے ہوئے کہا کہ پنجاب میں تین دن ایک ساتھ اسکول بند رہنے سے دھند کم ہوجائے گی اور اس کے فوائد حاصل ہوں گے۔

انہوں نے کہا کہ موجودہ حکومت اس پرعملدرآمد کے لئے پرعزم ہے،یکساں تعلیمِ نصاب کے نفاذ میں کچھ اسکولوں میں مشکلات کا سامنا ہے مگر ہم اس مشن کو پایا تکمیل تک پہنچائیں گے۔

وفاقی وزیر تعلیم  کا کہنا تھا کہ  اسکولوں میں امتحانات اپنے وقت پر مکمل نصاب کے ساتھ ہوں گے، رواں سال طالب علموں کو ایسے ہی اگلی کلاسوں میں جانے کی اجازت نہیں دی جائے گی۔

شفقت محمود نے کہا کہ کورونا ویکسینیشن اور ایس او پیز پرعملدرآمد ہی کرونا پرقابو پانے کا واحد طریقہ ہے۔ کورونا پر قابو پانے حوالے سے پاکستان کی کارکردگی بہتر رہی ہے، جیسے ماضی میں کرونا کا مقابلہ کیا، انشااللہ نئے ویرینٹ کا بھی کریں گے ۔

این اے 133کے ضمنی انتخاب کے حوالے سے شفقت محمود نے کہا کہ یہ الیکشن کمیشن کی ذمہ داری ہے کہ وہ شفاف اور آزادانہ انتخابات کا انعقاد یقینی بنائے۔

وفاقی وزیر تعلیم شفقت محمد  نے مزید کہا کہ طلباء کے لئے کھیل بہت اہمیت رکھتے ہیں اس لئے انٹریونیورسٹی اور انٹربورڈز سپورٹس متعارف کروائی گئی ہیں۔ یونیورسٹیوں، کالجوں اور اسکولوں میں سپورٹس سرگرمیوں کی حوصلہ افزائی کی جائے گی۔